Catholicas studiorum universitates

Aus kathPedia
Zur Navigation springenZur Suche springen
Littera apostolicae
Catholicas studiorum universitates

a papa Pio XII.
FOEDERATIO CATHOLICARUM STUDIORUM UNIVERSITATUM CONSTITUITUR - zur Errichtung der Internationalen Vereinigung der Katholischen Universitäten (Foederatio Internationalis Studiorum Universitatum Catholicarum, FIUC)
29 iulii 1949

(Fons: Commentarium officiale: AAS 42 [1950] 385-387)
Allgemeiner Hinweis: Was bei der Lektüre von Wortlautartikeln der Lehramtstexte zu beachten ist


Catholicas studiorum Universitates, insignes doctrinae sacrae altiorumque humanarum disciplinarum sedes, Sancta Mater Ecclesia, divinae veritatis magistra ac tutrix, per totum fere orbem condidit, ne, tot repentibus erroribus, tot scholis cum Dei religionisque neglectu vel contemptione institutis, studiosa discipulorum sobóles deciperetur et ingentia pateretur animarum detrimenta.

Eadem ergo provida Mater abhinc quindecim praesertim lustra, qui- bus ad defectionem a Summa Veritate improbe et infense est incitatum usquequaque, omni ope enixa est ut haec scientiae rectique cultus plan- taría quam maxime promoveret, virtutibus christianis informaret atque,, supremo suo magisterio firmiter inhaerentia, iurium Dei vindicandorum valida efficeret praesidia hominumque tenebris obvolutorum perfugia salutis.

Igitur hae Catholicae studiorum Universitates, inter tot temporum ac rerum difficultates a Sancta Sede excitatae, tardius quidem quod ad numerum, augescebant ac maiores in dies colligebant vires, adeo ut iam totum terrarum orbem rutila luce collustrent ; haud secus ac « granum sinapis... quod minimum quidem est omnibus seminibus; cum autem creverit, maius est omnibus oleribus et fit arbor ita ut volucres caeli veniant et habitent in ramis eius » (Matth. XIII, 32). Maximis ergo hisce studiorum domiciliis tam feliciter propagatis, perutile visum est ut eorum magistri et alumni in communem quandam consociationem coalescerent, quae, Summi Pontificis, utpote omnium Patris et Doctoris, auctoritate suffulta, collatis consiliis iunctaque opera lumen Christi impensius diffunderet ac dilataret.

Quocirca factum est ut anno 1924 duodeviginti Athenaea Catholica, fel. mem. Pio Pp. XI, Decessore Nostro, probante amplissime ac benedi- cente, foedere sociarentur eo consilio ut eorundem Rectores una cum professoribus aliisque ab ipsis delegatis, sollemnes conventus per tem- poris intervalla agentes, ea pertractarent negotia quae ad praecelsum eorum finem communiter provehendum maxime utilia forent et ac- commodata.

Nunc vero, immanissimo confecto bello, inter ea quae ad pacem cari- tatemque inter homines conciliandam ac firmandam conferunt, perquam opportunum habendum est, si omnes totius orbis Catholicae studiorum Universitates in magnam foederationem conveniant.

Quibus omnibus mature perpensis, Venerabilis Frater Noster Iose- phus Sanctae Romanae Ecclesiae Cardinalis Pizzardo, Albanensis Epi- scopus ac Sacrae Congregationis de Seminariis studiorumque Universi- tatibus Praefectus, precibus Nos adiit ut memoratam Athenaeorum Ca- tholicorum foederationem constituere dignaremur. Nos autem, qui nihil antiquius habemus quam ut bonis studiis uberiora addamus incrementa et doctrinae Catholicae latiorem nbiqne pandamus viam, huiusmodi vota libenti animo censuimus excipienda.

Itaque praesentium Litterarum tenore perpetuumque in modum, ex certa scientia ac matura deliberatione Nostra atque de Apostolicae po- testatis plenitudine, Catholicarum studiorum Universitatum foedera- tionem erigimus et constituimus, quae complecti valeat Athenaea quae vel Sancta Sedes ipsa per orbem canonice erexit erigetve in posterum, vel tamquam ad normam Catholicae institutionis directa eique plane conformata aperte agnoverit, omnibus privilegiis, iuribus et officiis per- sonas, ad quas pertinet, cumulantes simulque definientes ut ea ipsa foederatio statutis regatur quae a Sacra Congregatione Seminariis stu- diorumque Universitatibus praeposita, fuerint approbata. Contrariis quibuslibet minime obstantibus.

Haec edicimus, statuimus ac declaramus, decernentes praesentes Lit- teras firmas, validas atque efficaces iugiter exstare ac permanere; illis- que ad quos spectant, sive spectare poterunt, nunc et in posterum ple- nissime suffragari : sicque rite iudicandum esse ac definiendum ; irri- tumque ex nunc et inane fieri, si quidquam, secus, super his, a quovis, auctoritate qualibet, scienter sive ignoranter, contigerit attentari.


Datum Romae, apud Sanctum Petrum, sub anulo Piscatoris,

die XXVII mensis Iulii, anno MCMXLIX,
Pontificatus Nostri undecimo.,

Pius XII. PP.
De speciali mandato Sanctissimi

Pro Domino Cardinali a publicis Ecclesiae negotiis
GILDO BRUGNOLA
Officium Regens

Pontificiis diplomatibus expediendis

Weblinks