Toties-quoties-Ablass (verba)
| Toties-quoties-Ablass |
|---|
Suprema Sacra congregatio Sancti Officii (Sectio de indulgentiis)
a papa Pio X.
PLENARIA INDULGENTIA « TOTIES QUOTIES » CONCEDITUR IN DEFUNCTORUM SOLAMEN DIE 2 NOVEMBRIS'.
25. Iuni 1914
Ssmus D. N. D. Pius div. prov. Pp. X, in audientia R. P. D. Adsessori S. Officii impertita, perlibenter suscipiens preces multorum, praesertim Sacrorum Antistitum, ampliori cupientium suffragio animabus in purgatorio degentibus subvenire, quo die generalis in Ecclesia universa defunctorum celebratur commemoratio, accedente eminentissimorum Patrum Cardinalium Inquisitorum generalium voto, in Congregatione habita feria IV, die 24 iunii, anno 1914, favorabiliter expresso, benigne concedere dignatus est, ut die secunda novembris cuiuslibet anni, christifideles, confessi ac s. Communione refecti, quoties aliquam ecclesiam vel publicum aut semipublicum oratorium, defunctis suffragaturi visitaverint, ibique ad mentem Summi Pontificis oraverint, toties plenariam Indulgentiam, animabus piacularibus flammis addictis tantummodo profuturam, lucrari valeant. Praesenti in perpetuum valituro, absque ulla Brevis expeditione. Contrariis quibuscumque non obstantibus.
‡ Donatus, Archiep. Ephesin., Adsessor.
